Azərbaycan Respublikası Səhiyyə Nazirliyinin rəsmi saytı

Elnarə İsmayılova Eldar

Azərbaycan Respublikası Səhiyyə Naziri
Hörmətli Həkim Şirəliyev Oktay Kazım oğluna
Sumqayıt şəhər sakini İsmayılova Elnarə Eldar qızı tərəfindən

ƏRİZƏ
Çox Hörmətli Səhiyyə Nazirimiz Oktay Həkim,
Mən İsmayılova Elnarə 2008-ci ildə Əkbərov Vüsal Əkbər oğlu ilə ailə həyatı qurmuşam.İndiyədək, 10 ildən artıqdır ki, bizim övladımız olmur.
Bizim müayinələrimizin nəticələrini və yaşımızı da nəzərə alaraq həkimlər bizə süni mayalanma əməliyyatını gecikdirməməyi bildirirlər. Vaxtın

gecikməsi övladımızın olma şansını da aşağı salır.
Ailədə 3 nəfərik. Qaynanam təqaüdçüdür. Yoldaşım səhhətinə gorə işləyə bilmir. Mən isə Analıq məzuniyyəti yerində məktəbdə Psixoloq

vəzifəsində işləyirəm.177 manat əmək haqqımdır. Fevral ayında isə əsas işçi işə qayıdır və mən işdən çıxmalıyam.
Sizdən xahişim budur ki, süni mayalanma əməliyyatına gecikmədən, bu əmiliyyatın olmasında mənə köməklik edəsiniz.
Bu barədə 2016-cı ildə Səhiyyə Nazirliyinə ərizəmlə müraciətim olub. Mənə ünvanlanan
26.10.2016 № 2-46/I-11007/2 -li cavab məktubunda yazılmışdı.
Bildiririk ki, hazırda Elmi Tədqiqat Mamalıq və Ginekologiya Institutunda əsaslı təmir işləri ilə əlaqədar süni mayalanma əməliyyatı

aparılmır.İnstitut fəaliyyətə başladıqdan sonra qaldırılan məsələyə müəyyən edilmiş qaydada baxılacaqdır.
Tibbi yardımın təşkili şöbəsinin
müdir müavini Y.Babayev.
Qeyd olunduğu kimi, İnstitut fəaliyyətə başlayıb. Hörmətli Şəhiyyə Nazirimiz Oktay Həkim- ailəm adından sizdən xahişim, məcbur qaldığım

süni mayalanma əməliyyatının gecikmədən keçirilməsi üçün yenidən diqqətə alınaraq baxılmasına köməklik etmənizi və bizə dəstək olmanızı xahiş

edirik.
10 ildən artıqdır ki, ailəliyəm. Ailəmin dağılmasını istəmirəm. Ümidim Sizədir.
Tarix: 11. 08 2018. Elnarə İsmayılova Eldar qızı.

Zaur Şirəliyev Qüdrət

Cənab Nazir, mən Şirəliyev Zaur Qüdrət oğlu 1978-ci ildə Neftçala rayonunda anadan olmuşam. 2003-cü ildə ailə qurandan sonra valideynlərimin köməyi ilə ev tikməyə başlamışam. Maddi çatışmazlıq ucbatından evimi hələ də tikib qurtara bilməmişəm. Çox acınacaqlı şəraitdə olan yarımtikilidə yaşamağa məcbur qalmışam. Maddi vəziyyətimizi ağırlaşdıran səbəb mənim və yoldaşımın səhhətindəki problemlərdir. 2013-cü ildə avtoqəzada əmək qabiliyyətimi qismən itirmişəm. 2014-cü ildə keçirdiyim əməliyyatlar əmək qabiliyyətimi tam itirməyimə səbəb olmuşdur. Yoldaşım da 2017-ci ildə ağır əməliyyat keçirmişdir. Əməliyyatlardan sonra imkansızlıqdan heç bir müayinədən keçə bilməmişik. Bu il pambıq sahələrində fəhləlik etməyə məcbur olduğumuzdan səhhətimiz daha pisləşmiş, bu səbəbdən də işdən ayrılmalı olmuşuq. Hazırda heç bir yerdən qazanc yerimiz yoxdur, eləcə də qazanmağa imkan verən səhhətimiz ağır vəziyyətdədir. 9 və 7-ci sinifdə oxuyan, iki əsgər böyüdən ata kimi çox əlacsız vəziyyətdəyəm. Maddi çətinliyim onların təhsil almasına belə problemlər yaradır. Sağlamlığını itirən şəxslərə verilən pensiya üçün müraciət etsək də, bizə müsbət cavab verilməyib. Bu məbləğ bizə ən azından dərmanlarımızı ala bilmək üçün lazımdır. Bu azmış kimi 2016-cı ilin sonundan bəri sosial yardımdan da səbəbsiz şəkildə məhrum olmuşuq. Cənab Nazir, əmək qüvvəsi olmayan, dövlətdən heç bir yardım almayan insan necə yaşayaya bilər?! Sizin məsələni diqqəti götürəcəyinizə və səxavətinizə böyük ümid edirəm.

Mirxanım Ələkbərova Ələsgər

Bakı şəhəri Yasamal rayonu, A.Ağayev küçəsi, (indiki Kazım Kazımzadə) abadlaşma işlərinin aparılması ilə əlaqədar Yasamal-M Şirkətinə verilmiş və ərazidə çoxmənzili binaların tikintisi ilə əlaqədar sakinlərə yaşadığı evlər üçün kompensasiya ödənilərək, sakinlər tukinti ərazisindən çıxarılmışdır. Lakin mənim evimin 3 tərəfi 5-6 metr dərinliyində qazımış, evim qəzalı vəziyyətə gətirilmişdir. Buna baxmayaraq, mənə yaşadığım ev üçün kompensasiya ödənilməkdən imtina edilmişdir. MƏn Şirkətdən mənim evim üçün kompensasiyanın ödənilməsini tələb etdikdə isə Şirkət mənim evimin onlara lazım olmadığını bildirmişdir. Halbuki, evin ətrafı qazılmış, evdə yaşamaq mümkünsüz olmuşdur. Evin hər bir zaman uçmaq təhlükəsi vardır. Hər an ev mənim üstümə uça bilər. Mənim isə yaşamağa başqa yerim yoxdur. Mən qəzalı evdə hər an uçmaq təhlükəsi olan bir evdə yaşamağa məcbur olmuşam. Xahiş edirəm bunun qarşısını alıb, qazıntı işlərini dayandırasınız. Qanunvericiliyə əsaəsn tikinti aparan Şirkət ərazidə yaşayan sakinləri tikinti ərazisindən tam çıxarmadan tikintiyə başlamamalı olm asına baxmayaraq Yasamal-M Şirkəti mənim yaşadığım evin özülünü qazır və mən onlardan kompensasiya tələb edərkən isə mənim evimin onlara lazım olmadığını bildirərək, məni onların təklif etdiyi istənilən məbləğlə razılaşmağa məcbur etməyə çalışırlar. Ona görə də yazıb Sizdən mənə kömək etməyinizi, məni bu təhlükədən xilas etməyinizi xahiş edirəm.

Azərbaycan Respublikası Səhiyyə Nazirliyin Rəsmi Saytı
Saytdakı materiallardan istifadə edərkən istinad etmək zəruridir!
Bütün hüquqlar qorunur! © 2011-2013..