Azərbaycan Respublikası Səhiyyə Nazirliyinin rəsmi saytı

Səhiyyə Nazirliyinin AEM-də mətbuat konfransı keçirilib

 Bu gün Səhiyyə Nazirliyi Analitik Ekspertiza Mərkəzində ilin yekunlarına həsr olunmuş Mətbuat konfransı keçirilib. Tədbirdə 2016-cı il ərzində görülən işlər, əldə olunan nailiyyətlər haqda geniş məlumat verildi.

 

 

Bildirldi ki, Mərkəzin maddi-texniki bazasının möhkəmləndirilməsi, kadr çatışmazlığı ilə bağlı problemlərin həlli, işçilərin peşəkarlıq səviyyələrinin yüksəldilməsi, beynəlxalq əməkdaşlığın genişləndirilməsi, əczaçılıq sahəsində qanunvericiliyin təkmilləşdirilməsi istiqamətlərində bir çox işlər görülmüş, islahatlar aparılmışdır.

 

 

2016-cı ilin mart ayının 17-də “Bir pəncərə” xidməti fəaliyyətə başlamışdır. Bu xidmətin fəaliyyətə başlaması ilə dərman vasitələrinin idxalı, dövlət qeydiyyatı ilə bağlı sənədləşmə işləri, eləcə də vətəndaşlar və sahibkarlar tərəfindən edilən müraciətlərin qəbulu proseduru sadələşdirilmiş və daha şəffaf olmuşdur.

 

 

Əczaçılıq subyektləri ilə iş şöbəsinin müfəttişləri tərəfindən ölkəyə idxal olunan dərman vasitələrindən 27000 seriyadan çox nümunə götürülərək laborator yoxlamaların aparılması üçün Mərkəzin Dərman vasitələrinin keyfiyyətinin yoxlanılması laboratoriyasına təhvil verilmişdir.

 

 

“Sahibkarlıq sahəsində aparılan yoxlamaların dayandırılması haqqında” Azərbaycan Respublikasının 2015-ci il 20 oktyabr tarixli 1410-IVQ saylı Qanununun tətbiqi barədə Azərbaycan Respublikası Prezidentinin Fərmanı ilə yoxlamaların aparılmasına məhdudiyyətlər qoyulduqdan sonra ötən il ərzində qanunla müəyyən edilmiş şəkildə 5 aptekdə plandankənar yoxlamalar aparılmış və müvafiq tədbirlər görülərək nəticələri barədə müvafiq səlahiyyətli orqanlara məlumat verilmişdir.

 

 

 

Dərman vasitələrinin keyfiyyətinin yoxlanılması laboratoriyası tərəfindən il ərzində 28000-ə yaxın dərman vasitəsinin analizi aparılmışdır.

Bunlardan 15000-dən çox dərman vasitəsi müsbət qiymətləndirilmiş, 5 adda dərman vasitəsinin keyfiyyət göstəriciləri dövlət qeydiyyatı zamanı təsdiqlənmiş normativ sənədlərə uyğun olmadığına görə idxala icazə verilməmişdir. Bu da öz növbəsində toplam olaraq 33534 ədəd qablaşdırma nəzərdə tutur. 1000-dən çox normativ sənəd hazırlanmış və təsdiq olunmuşdur. Həmçinin laboratoriyada saf su alınma sistemi quraşdırılmışdır.

 

Mərkəzin Laboratoriyası Peşəkarlığın Yoxlanılması Testi Layihəsində (PYT) – Proficiency Testing Scheme (PTS) iştirak edir. PYT-lərin əsas məqsədi iştirakçı laboratoriyalar tərəfindən həyata keçirilən analizlərin düzgünlüyü və etibarlılığının müqayisəli şəkildə yoxlanmasıdır. Bu səbəbdən hər il EDQM tərəfindən müxtəlif fiziki-kimyəvi və mikrobioloji analiz metodlarına dair PYT-lər həyata keçirilir. Azərbaycan Tibb Universitetinin əczaçılıq fakültəsinin tələbələrinin Laboratoriyanın iş fəaliyyəti ilə yaxından tanış olmaları üçün şərait yaradılmışdır.

 

 

Həmçinin, Laboratoriyanın AZS/İSO/İEC 17025-2015 “Sınaq və kalibrləmə laboratoriyalarının səlahiyyətliliyinə ümumi tələblər” standartının tələblərinə uyğun olaraq akkreditasiyası üçün lazım olan sənədlər hazırlanmış və Azərbaycan Respublikası Standartlaşdırma, Metrologiya və Patent üzrə Dövlət Komitəsinə təqdim edilmişdir. Azərbaycan Respublikasının Standartlaşdırma, Metrologiya və Patent üzrə Dövlət Komitəsi yanında Dövlət Akkreditasiya Xidmətinin “Qiymətləndirməyə başlanılması və akkreditasiya komissiyasının yaradılması haqqında N0060-QKY Qərar”a əsasən Standartlaşdırma, Metrologiya və Patent üzrə Dövlət Komitəsi yanında Dövlət Akkreditasiya Xidmətinin mütəxəssislərindən ibarət komissiya tərəfindən Dərmanların keyfiyyətinə nəzarət laboratoriyasında AZS/İSO/İEC 17025-2009 standartının tələblərinə uyğun akkreditasiya edilməsi və laboratoriyanın akkreditasiya tələblərinə cavab verməsinin qiymətləndirilməsi məqsədilə 14.03.2016-18.03.2016-cı il müddətində yoxlamalar aparılmış və iyun ayında Laboratoriyanın akkreditasiyası başa çatmışdır.

 

Mərkəzdə Keyfiyyəti İdarəetmə Sisteminin (KİS) yaradılması barədə əmrə əsasən KİS-in Əsasnaməsi və KİS-in yaradılmasına dair tədbirlər planı hazırlanmışdır.

 

Dərman vasitələrinin qeydiyyat-ekspertiza şöbəsitərəfindən Nazirlər Kabinetinin 13 iyul 2007-ci il tarixli 108 nömrəli Qərarı ilə təsdiqlənmiş Dərman vasitələrinin dövlət qeydiyyatı və reyestrinin aparılması Qaydalarına müvafiq olaraq dərman vasitələrinin ilkin və ixtisaslaşdırılmış ekspertizasının aparılması üçün müraciət edən şəxslərlə müqavilələr bağlanılmışdır. Şöbədə il ərzində 400-dən çox dərman vasitəsi dövlət qeydiyyatına alınmışdır.

 

Dərman vasitələrinin təlimatlarının təsdiq olunması prosedurunun surətləndirilməsi üçün tərəfimizdən tərcümə xidmətinin yaradılması ilə bağlı təşəbbüs irəli sürülmüşdür. Təşəbbüs Səhiyyə nazirliyi tərəfindən müsbət qiymətləndirilmiş tərcümə xidmətlərinə dair tariflər təsdiq olunmuşdur

 

Dərman vasitələrinin idxal-ekspertiza şöbəsinə il ərzində 27000-dən çox seriyada dərman vasitəsinin ölkəyə idxalı üçün müraciətlər olmuşdur. Onlardan 23000-dən çox dərman vasitələrinin idxalı zamanı təqdim edilmiş sənəd və nümunələrdə heç bir uyğunsuzluq aşkar olunmamış, 4000-ə yaxın dərman vasitəsinin idxalı zamanı müəyyən uyğunsuzluq müəyyən edilmişdir.3000-dən çox dərman vasitələrinin uyğunsuzluqları istehsalçı və idxalçı şirkətlər tərəfindən aradan qaldırılmışdır.Mərkəzin farmakoloji nəzarət sisteminin qurulması uğurla davam etdirilmişdir. Belə ki, əhalinin təhlükəsiz dərman vasitələri ilə təmin edilməsi müasir dövrdə ən aktual məsələlərdən biridir. Hazırda dünyada dərman sektorunun inkişafı və son bir ildə səhiyyə

 

 

Farmakonəzarət üzrə müvafiq qanunvericiliyin (qaydaların, normativ-texniki sənədlərin və standart əməliyyat prosedurlarının) hazırlanması və beynəlxalq təcrübəyə uyğun əsaslandırılması məqsədi ilə şöbə əməkdaşları Birləşmiş Krallıq, ABŞ Almaniya, Türkiyə və bir sıra dünyanın qabaqcıl ölkələrində müvafiq kurs və treyninqlər keçmişlər. Hal-hazırda farmakonəzarət üzrə milli qanunvericiliyimizin hazırlanması və Avropa Birliyinin dərman vasitələri ilə əlaqəli 2010/84/EC direktivinə uyğun əsaslandırılması prosesi tamamlanmaq üzrədir. Həmçinin bu sahədə GVP modullarının tərcüməsi və milli qaydaların hazırlanması və MedDra terminologiyasının tərcüməsi, Milli Farmakonəzarət sisteminin qurulması işlərinə başlanılmış, müvəqqəti farmakonəzarət təlimatı təsdiqlənmiş,məlumat bazalarının və müvafiq farmakonəzarət proqramlarının yaradılmasına başlanılmışdır. Ümumdunya Səhiyyə Təşkilatı Uppsala Monitoring Centre ilə əlaqələr qurulmuş və Azərbaycan Ümumdünya Səhiyyə Təşkilatının Dərman vasitələrinin monitorinqi Beynəlxalq proqrammına qoşulmuşdur. Hal-hazırda proqramın assosiativ üzvüyük. Yaxın zamanlarda tam hüquqlu üzv olmamız üçün bir sıra mühüm işlər görülməkdədir.

 

 

11 ölkədə istehsal müəssələrin GMP tələblərinə uyğunluğu yoxlanılıb. Cari ildə AEM-in mütəxəssisləri 13 ölkədə 18 müxtəlif treyning və seminarlarda, eləcə də əczaçılıq sahəsinə aid təşkil olunmuş mühüm konfranslarda iştirak etmişdilər.

 

Səhiyyə Nazirliyi Mətbuat Xidməinin məlumatı

20/12/2016

Azərbaycan Respublikası Səhiyyə Nazirliyin Rəsmi Saytı
Saytdakı materiallardan istifadə edərkən istinad etmək zəruridir!
Bütün hüquqlar qorunur! © 2011-2013..