Azərbaycan Respublikası Səhiyyə Nazirliyinin rəsmi saytı

Ana südü ilə qidalanmanın əhəmiyyətinə həsr olunmuş seminar keçirilmişdir

Ana və uşaq sağlamlığının qorunması Səhiyyə Nazirliyinin daim diqqət mərkəzindədir. Bu sahədə həyata keçirilən tədbirlər sırasında maarifləndirmə tədbirlərinə xüsusi önəm verilir.

 

Maarifləndirmə tədbirləri çərçivəsində Səhiyyə Nazirliyinin və BTM-nin Uşaq Fondunun (UNICEF) birgə təşkilatcılığı ilə KİV nümayəndələri üçün ana südü ilə qidalanmanın əhəmiyyətinə dair seminarlar silsiləsinin keçirilməsinə başlanılmışdır. Bu qəbildən olan ilk seminar 05.05.2017-ci il tarixində ET Pediatriya İnstitutunda keçirilmişdir.

 

Aparıcı KİV nümayəndələrinin iştirak etdiyi seminarda ana südü ilə qidalanma sahəsində mövcud vəziyyətə toxunulmuşdur. Bu sahədə maarifləndirməni gücləndirmək məqsədilə UNICEF və Səhiyyə Nazirliyinin birgə təşkilatçılığı ilə hər ilin avqust və oktyabr aylarının ilk həftələrində ana südünün üstünlüklərinə həsr edilən “Ana südü həftəsi” keçirilir. Həmin tədbirin təşkilində əsas məqsəd ana südünün üstünlükləri, onunla qidalanmağın vacibliyi və bu sahədə ananın məsuliyyətini artırmaqdan ibarətdir.

 

Qeyd edilmişdir ki, son illər Səhiyyə Nazirliyinin fəaliyyəti, aparılan maarifləndirmə tədbirləri sayəsində ana südü ilə qidalandırmanın xüsusi çəkisi artmışdır.

 

Tədbirdə çıxış edərək baş pediatr, ET PEdiatriya İnstitunun rəhbəri Nəsib Quliyev, baş mama-ginekoloq, Respublika Perinatal Mərkəzin baş həkimi Sevinc Məmmədova, 2 saylı Doğum Evinin baş həkimi Mehriban Abasquliyeva və digərləri ana südü ilə qidalandırmanın həm ana, həm də uşaq sağlamlığı üçün əhəmiyyəti haqqında çıxışlar etdilər.

 

Seminar müzakirələrlə davam etmişdir.

 

Səhiyyə Nazirliyi ana südü ilə qidalandırma sahəsində maarifləndirmə tədbirlərinin icrasını davam etdirəcək. Növbəti bu qəbildən olan seminarlar regionlarda keçiriləcəyi nəzərdə tulmuşdur.

 

Səhiyyə Nazirliyinin Mətbuat Xidmətinin məlumatı

5/05/2017

Azərbaycan Respublikası Səhiyyə Nazirliyin Rəsmi Saytı
Saytdakı materiallardan istifadə edərkən istinad etmək zəruridir!
Bütün hüquqlar qorunur! © 2011-2013..