Azərbaycan Respublikası Səhiyyə Nazirliyinin rəsmi saytı

Azərbaycanda əhalinin tibbi müayinəsinə start verilib

Bu gün Azərbaycanda əhalinin tibbi müayinəsinə start verilib. Azərbaycan Respublikası Prezidentinin tapşırığı ilə 12 fevral – 12 may tarixlərində Səhiyyə Nazirliyinin tabeliyində olan tibb müəssisələrində əhalinin tibbi müayinələri keçirilir. Ölkə başçısının tapşırığının icrası məqsədi ilə səhiyyə nazirinin müavini Nigar Əliyeva “Azərbaycan Respublikası əhalisinin tibbi müayinələrdən keçirilməsi barədə” 30.01.2018-ci il tarixli sərəncam imzalamışdır.

Səhiyyə naziri Oqtay Şirəliyev Bərdədə vətəndaşları qəbul etmişdir

Ölkə başçısı İlham Əliyevin tapşırıq və tövsiyələrinə uyğun olaraq bölgələrdə vətəndaşların qəbulu qurum rəhbərləri tərəfindən davam etdirilir. Şəhər və rayonlarda vətəndaşların dövlət qurumlarının, mərkəzi icra hakimiyyəti orqanlarının rəhbərləri tərəfindən qəbulu cədvəlinə uyğun olaraq 09.02.2018-ci il tarixində Azərbaycan Respublikasının Səhiyyə naziri Oqtay Şirəliyev Bərdə Diaqnostika Mərkəzində vətəndaşları qəbul etmişdir.

 

Oqtay Şirəliyev Bərdədə vətəndaşları qəbul edəcək

 

Azərbaycan Respublikasının Səhiyyə Naziri Oqtay Şirəliyev 09.02.2018-ci il tarixində saat 12:00-da Bərdə rayon Diaqnostika Mərkəzində vətəndaşlar üçün qəbul keçirəcək.

Səhiyyə naziri Oqtay Şirəliyev Əmr imzalayıb

 

Səhiyyə naziri Oqtay Şirəliyev 2018-ci ildə Bakı şəhərində keçirilməsi planlaşdırılan Velosiped idmanının “BMX Racing” növü üzrə dünya çempionatının təşkilinə dair Əmr imzalayıb.

B.Ə.Eyvazov adına ET Hematologiya və Transfuziologiya İnstitutunda tədbir keçirilib

07.02.2018-ci il tarixində Səhiyyə Nazirliyinin B.Ə.Eyvazov adına ET Hematologiya və Transfuziologiya İnstitutunda ilin yekunlarına həsr edilmiş tədbir keçirilib.

 

Astara şəhərində həkimlərə elmi-praktiki seminar keçirildi

Ana və uşaqların sağlamlığının qorunması məsələsi dövlətimizin daim diqqət mərkəzindədir.Bununla əlaqədar Azərbaycan Respublikası Prezidentinin 2012-ci il 29 dekabr tarixli 800 nömrəli Fərmanı ilə təsdiq edilmiş “Azərbaycan 2020: gələcəyə baxış” İnkişaf Konsepsiyasına müvafiq olaraq Azərbaycan Respublikası Prezidentinin 2014-cü il 13 iyun tarixli Sərəncamı ilə təsdiq edilmiş “Ana və uşaqların sağlamlığının yaxşılaşdırılmasına dair 2014-2020-ci illər üçün Dövlət Proqramı” qəbul edilmiş və həyata keçirilir. Bu proqramın həyata keçirilməsi üzrə Tədbirlər planının 4.1 bəndinin və Azərbaycan Respublikasında uşaq ölümünün azaldılmasına yönəldilmiş “Azərbaycan Respublikası Səhiyyə Nazirliyinin Tədbirlər planı”nın 4.1; 4.2; 4.3; 4.4; 4.5; bəndlərinin icrası məqsədilə Ə.Əliyev adına Azərbaycan Dövlət Həkimləri Təkmilləşdirmə İnstitutunun Pediatriya, Şüa diaqnostikası, Mamalıq və ginekologiya kafedralarının müəllim heyətinin iştirakı ilə 04 fevral 2018-ci il tarixində Astara şəhərində elmi-praktiki seminar təşkil olunmuşdur.

Akademik Zərifə Əliyeva adına Milli Oftalmologiya Mərkəzi səyyar müayinə keçirib

Akademik Zərifə Əliyeva adına Milli Oftalmologiya Mərkəzi və Sumqayıt Şəhər İcra Hakimiyyəti birgə humanitar aksiya keçiriblər. Tədbir çərçivəsində Sumqayıtda dövlət müəssisələrində çalışan 200-ə yaxın əməkdaş tibbi müayinədən keçib.

Səhiyyə Nazirliyində müşavirə keçirilmisdir

Səhiyyə Nazirliyində “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının dördüncü ilinin yekunlarına həsr olunmuş toplantı keçirilmişdir.

ATU-nun əmək gigiyenası və uşaq-yeniyetmələr gigiyenası kafedrasında seminar keçirilib

05.02.2018-ci il tarixində Azərbaycan Tibb Universitetinin Əmək gigiyenası və uşaq-yeniyetmələr gigiyenası kafedrasında müəllimlər üçün seminar keçirilib. Bu tip seminarın kafedrada son illər ərzində ilk dəfə keçirildiyini qeyd edən kafedranın müdiri, dosent Şəhla Balayeva bildirib ki, seminarın əsas məqsədi tədrisin keyfiyyətinin yüksəldilməsi, professor-müəllim heyətinin peşə hazırlığı səviyyəsinin artırılmasıdır: “Bununla əlaqədar kafedrada fənlər üzrə keçirilən mövzulara uyğun olaraq belə seminarların təşkili tələbələri gələcək iş həyatına daha yaxşı hazırlamaqda, onlara lazımi bilik və bacarıqları aşılamaqda müəllimlərə bir dəstəkdir. Müəllimlər təqdim edəcəkləri mövzular haqqında məlumat veriblər və həmin mövzular üzərində işləyirlər. Əsas məqsədlərimizdən biri də xüsusi əmək təbabəti üzrə bacarıqları praktik məşğələlər vasitəsilə tələbələrə mənimsətmək, eyni zamanda müasir tədris üsullarını paylaşmaq, təklif və iradları dinləməklə daha da təkmilləşdirməkdən ibarətdir”.

ATU mütəxəssisləri Naxçıvanda keçirilən tədbirdə çıxış ediblər

 

Naxçıvan Muxtar Respublika Xəstəxanasında “Səhiyyənin aktual problemləri” mövzusunda elmi-praktik konfrans keçirilib. Konfransda ATU-nun mütəxəssisləri iştirak edib.

Respublikanın Baş onkoloqu: xərçəng sağalan xəstəlikdir

Bütün dünyada dəhşətli xəstəlik kimi qəbul olunan xərcəng sagalan xəstəlikdir. Əgər xəstəliyi birinci və ikinci mərhələsində aşkar olunarsa onun tam sağalmasına nail olmaq mümkündür. Bunun üçün insanlar mütəmadi olaraq saglamlıqlarının qeydinə qalmalı, lazim olan yoxlama presedurlarini keçməli, vaxti vaxtinda müayinələrdən keçməlidirlər. Bunun üçün də cəmiyyətdə vətəndaşlarımız xərçəng xəstəliyi, onun yaranması yolları və ilkin əlamətləri haqqında zəruri biliklərə malik olmalı və özləri bu xəstəliyin vaxtında aşkarlanmasında həkimlərə kömək etməlidirlər. Bü gun tibbin ölkəmizdə inkişafı, səhiyyəmizin səviyyəsi ilkin mərhələlərdə xərçəng xəstəliyinin sağalmasına, bu xəstəliyin qarşısının alınmasına imkan verir.

4 Fevral - Dünya Xərçəng Günü qeyd olunub

Hər il fevralın 4-ü dünyada “xərçəng” günü kimi qeyd olunur.

ATU-nun Tədris Terapevtik Klinikasında Tibbi Ekspertiza Komissiyasının iclası keçirilib

Azərbaycan Tibb Universitetinin (ATU) Tədris Terapevtik Klinikasının nəzdində fəaliyyət göstərən Tibbi Ekspertiza Komissiyasının genişləndirilmiş iclası keçirilib.

ATU-nun Onkoloji Klinikasında Xərçənglə Mübarizə gününə həsr edilmiş tədbir keçirilib

Bu gün Azərbaycan Tibb Universitetinin Onkoloji Klinikasında 4 fevral - Ümumdünya Xərçənglə Mübarizə gününə həsr olunmuş tədbir keçirilib.

AEM-də əczaçılıq fəaliyyətini tənzimləyən bəzi normativ hüquqi aktlara həsr edilmiş tədbir keçirilib

Azərbaycan Respublikası Səhiyyə Nazirliyinin Kollegiyasının 11 yanvar 2018-ci il 1 nömrəli qərarına əsasən “Dərman vasitələrinin istehsalına, daşınmasına və saxlanmasına dair tələblər”, “Dərman vasitələrinin topdansatışına dair tələblər”, “Aptek təşkilatlarına dair tələblər və aptek təşkilatlarından dərman vasitələrinin buraxılması Qaydaları”ı təsdiq edilmişdir. Bununla əlaqədar olaraq 2018-ci ilin 2 fevral tarixində Səhiyyə Nazirliyi Analitik Ekspertiza Mərkəzində tədbir təşkil olunmuşdur. Tədbirin məqsədi yeni tələblər haqqında geniş məlumat vermək, yaranmış sualları cavablandırmaq olmuşdur. AEM-nin əməkdaşları Pərviz Əzizbəyov (AEM- Əczaçılıq subyektləri ilə iş şöbəsinin müdir müavini), Elmin Quliyev (AEM-in Farmakonəzarət Sektorunun müdiri), Rauf Əfəndiyev (AEM-in Keyfiyyətə nəzarət Sektorunun mütəxəssisi) yeni tələblərlə əlaqədar təqdimatlarla çıxış ediblər. Tədbirə dərman vasitələrinin idxalı və satışı ilə məşğul olan şirkətlərin, topdansatış müəssisələrinin və KİV nümayəndələri dəvət olunmuşdu.

“Azərbaycan Respublikası əhalisinin tibbi müayinələrdən keçirilməsi barədə” sərəncam imzalamışdır

Səhiyyə nazirinin müavini Nigar Əliyeva “Azərbaycan Respublikası əhalisinin tibbi müayinələrdən keçirilməsi barədə” 30.01.2018-ci il tarixli sərəncam imzalamışdır.

Azərbaycan ÜST-ün Beynəlxalq Dərman Vasitələrinin Monitorinqi Programının 130-cu tam hüquqlu üzvü oldu

Səhiyyə Nazirliyinin dəstəyi və razılığı ilə Azərbaycan Ümumdünya Səhiyyə Təşkilatının Beynəlxalq Dərman Vasitələrinin Monitorinqi proqramına qoşulmuşdur. Səhiyyə Nazirliyi Analitik Ekspertiza Mərkəzi (AEM) milli farmakonəzarət mərkəzi olaraq təyin edilmişdir. AEM proqramın icrasına məsul olan "Uppsala Drug Monitoring" Mərkəzi ilə əlaqələr qurmuş və proqramın icrasına başlamışdır.

İSİM-də "Azərbaycanda tütünlə mübarizə qanunvericiliyinin gücləndirilməsi" layihəsi üzrə yekun iclas keçirildi

31.01.2018-ci il tarixdə Səhiyyə Nazirliyinin İctimai Səhiyyə və İslahatlar Mərkəzində (İSİM) ölkədə tütünlə mübarizə sahəsində əldə olunmuş nailiyyətlər, yeni qəbul olunmuş "Tütün məmulatlarının istifadəsinin məhdudlaşdırılması haqqında" Qanundan irəli gələn məsələlər müzakirə olundu. “Azərbaycanda tütünlə mübarizə qanunvericiliyin gücləndirilməsi” layihəsi üzrə yekun iclası zamanı aparılan bu müzakirələrdə layihə çərçivəsində hələ 2016-cı ildə yaradılmış Texniki Məsləhətçi Qrupun (TMQ) fəaliyyətinə nəzər salındı. TMQ üzvləri olan tədbir iştirakçıları Milli Məclis, Ədliyyə Nazirliyi, Vergilər Nazirliyi, Azərbaycan Respublikasının İnsan Hüquqları üzrə Müvəkkili (OMBUDSMAN), Azərbaycan Respublikasının Prezidenti yanında Gənclər Fondu, Ə.Əliyev adına Azərbaycan Dövlət Həkimləri Təkmilləşdirmə İnstitutu (ADHTİ), Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi (Asan Agentlik) və “ASAN Könüllüləri Gənclər Təşkilatı” İctimai Birliyi, “Həmrəy” Gənclərin Maariflənməsinə Dəstək İctimai Birliyi, “LAYF” Xeyriyyə İctimai Birliyinin nümayəndələri mütəmadi olaraq İSİM-də toplaşaraq tütünlə mübarizə qanunvericiliyinin gücləndirilməsi istiqamətində məşvərətçi xidmətlər göstərildiyi, mövcud qanunvericiliyin təhlili, eləcə də “Tütünə qarşı mübarizə haqqında ÜST-nin Çərçivə Konvensiyası”na dair Azərbaycanın öhdəlikləri və beynəlxalq təcrübə əsasında qanunvericiliyin təkmilləşdirilməsi üçün təkliflər verildiyi, tütünlə mübarizənin gücləndirilməsinə dəstək üçün təşkil olunan kampaniyalar, dəyirmi masalar, media dəstəyi və digər fəaliyyətləri xatırladılar.

Tədris Terapevtik Klinikasının “Şüa dianostikası və terapiyası” kafedrasında seminar keçirilib

Azərbaycan Tibb Universitetinin (ATU) Tədris Terapevtik Klinikasında “Şüa dianostikası və terapiyası” kafedrasının rezidentləri üçün seminarı keçirilib. 

Talassemiya Mərkəzində “Talassemiya ilə mübarizədə KİV-in rolu” mövzusunda konfrans keçirilib

31.01.2018-ci il tarixində Talassemiya Mərkəzində “Talassemiya ilə mübarizədə KİV-in rolu” mövzusunda konfrans keçirilib. Talassemiya Mərkəzinin təşkilatcılığı ilə keçirilən konfransın əsas məqsədi kütləvi informasiya vasitələri ilə birgə talassemiyadan əziyyət çəkən insanların təhlükəsiz və keyfiyyətli qanla təminatı üçün könüllü donor xidmətinin inkişaf etdirilməsi və bu xəstəliyin yayılmasının qarşısını almaq üçün ictimaiyyətin kütləvi maarifləndirilməsi, talassemiya ilə mübarizə aparan bir sıra dövlətlərlə və təşkilatlarla əməkdaşlığın genişləndirilməısinə düzgün məlumatlandırma və digər maarifləndirmə vasitələri ilə dəstək vermək olub. Konfransda Milli Məclisin üzvləri, nazirliklər, dövlət qurumlarının, KİV-lərin və ictimai birliklərin nümayəndələri iştirak edib.

 

Azərbaycan Respublikası Səhiyyə Nazirliyin Rəsmi Saytı
Saytdakı materiallardan istifadə edərkən istinad etmək zəruridir!
Bütün hüquqlar qorunur! © 2011-2013..