Azərbaycan Respublikası Səhiyyə Nazirliyinin rəsmi saytı

Azərbaycan Tibb Universitetində ishalatlar aparılıb

Son illər səhiyyədə müşahidə edilən sürətli inkişaf tibb kadrları yetişdirən qurumların qarşısında tam yeni vəzifələr qoyur. Bu baxımdan, il ərzində ölkəmizdə tibb təhsilində ən böyük tibb ocağı sayılan Azərbaycan Tibb Universitetində xeyli ishalatlar aparılıb. Azərbaycan Tibb Universitetinin 2-ci redaksiyada Nizamnaməsi qəbul edilib, univeritetin Tədris-Terapevtik, Tədris-Cərrahi, Tədris-Stomatoloji və Onkoloji Klinikaları haqqında yeni redaksiyada Əsasnamələr qəbul edilib. Eləcə də, universitetin nəzdində fəaliyyət göstərən Tədris Kliniki laboratoriyaların Əsasnamələri qəbul edilib. Bu barədə Azərbaycan Tibb Universitetinin rektoru, professor Gəray Gəraybəyli bildirib.

Səhiyyə Nazirliyində ilin yekun kollegiya iclası keçirilib

28.12.2017-ci il tarixində Səhiyyə Nazirliyində geniş tərkibli kollegiya iclası keçirilib. İclasda Səhiyyə Nazirliyi tərəfindən 2017-ci il ərzində görülmüş işlər və barədə məruzələr dinlənildi. 

 

Səhiyyə naziri Oqtay Şirəliyevin sədrliyi ilə keçirilən iclasda ilk olaraq Tibbi Yardımın Təşkili Şöbəsinin müdiri Gülmirzə Poladov çıxış edərək bildirdi ki, Azərbaycan Respublikasının Prezidenti cənab İlham Əliyevin düşünülmüş siyasətinin, möhkəm iradəsinin məntiqi nəticəsi olaraq hətta bütün dünya üçün çətin olan son illərdə də ölkəmiz inkişafı davam etdirilmişdir.

"2016-2020-ci illər üçün vərəmlə mübarizə üzrə Tədbirlər Proqramı" icra edilir

"2016-2020-ci illər üçün vərəmlə mübarizə üzrə Tədbirlər Proqramı"nın icrası məqsədi ilə Səhiyyə Nazirliyinin Elmi-Tədqiqat Ağciyər Xəstəlikləri İnstitutu 2017-ci il üçün Fəaliyyət Planı hazırlamış və müvəffəqiyyət ilə icra etmişdir. Proqramının həyata keçirilməsi üzrə təşkilati tədbirlərdən biri də vərəmin profilaktikası, diaqnostikası və müalicəsi üzrə mütəxəssislərin hazırlanması olmuşdur.

İSİM hərbi hissələrdə maarifləndirici görüşlər keçirdi

Səhiyyə Nazirliyinin İctimai Səhiyyə və İslahatlar Mərkəzi (İSİM) hərbi xidmətdə olan gənclərin mənəvi-psixoloji durumunun yüksəldilməsi və onların asudə vaxtının səmərəli təşkilinə kömək məqsədi ilə 21-25 dekabr 2017-ci tarixlərdə hərbi hissələrdə maarifləndirici görüşlər keçirdi. Görüşlər Səhiyyə Nazirliyinin 23.10.2017-ci il tarixli 72 nömrəli əmri ilə təsdiq edilmiş “Azərbaycan gəncliyi 2017-2021-ci illərdə Dövlət Proqramının həyata keçirilməsi üzrə Azərbaycan Respublikası Səhiyyə Nazirliyinin Tədbirlər Planı”nın 1(5.1.8)-ci bəndinə əsasən təşkil olunmuşdu.

Bakı Ürək Mərkəzində unikal əməliyyat icra olunub

Anadangəlmə ürək qüsuru olan uşaqların müalicəsi istiqamətində son illər görülən tədbirlər öz müsbət nəticəsini verir. Aparılan unikal əməliyyatlar uşaqların sağlam gələcəyinə zəmin yaradır. Bu sahədə nail olunmuş uğurların sayı günbəgün artır.

Bakı şəhər Təcili Təxirəsalınmaz Tibbi Yardım Stansiyasında hesabat tədbiri keçirildi

Bu gün 26.12.2017-ci il tarixində Bakı şəhər təcili Təxirəsalınmaz Tibbi Yardım Stansiyasında ilin yekunlarına həsr edilmiş tədbir keçirilmişdir. Tədbirdə qeyd edilib ki, təcili tibbi yardım xidməti gün ərzində, bayram, istirahət günləri, gecə saatları digər tibb müəssisələrinin işləmədiyi vaxtda əhalinin sağlamlığının keşiyində dayanan qurumdur. Təcili tibbi yardım işçiləri beynəlxalq tədbirlər, təbii fəlakətlər, bayram şənlikləri, xalqın şad və həmçinin ağır günlərində daima əhali ilə sıx qarşılıqlı münasibətdə olaraq vəzifə borcunu yerinə yetirir.

ATU-nun Tədris Cərrahiyyə Klinikası hesabat verdi

Bu gün Azərbaycan Tibb Universitetinin (ATU) Tədris Cərrahiyyə Klinikasında klinikanın fəaliyyəti üzrə ilin yekun hesabatına həsr olunmuş konfrans keçirilib. Konfransın açılışında çıxış edən klinikanın direktoru, professor Surxay Hadıyev 2017-ci ilin Azərbaycan üçün uğurlu keçdiyini bildirib. S.Hadıyev yola saldığımız ilin rəhbərlik etdiyi qurum üçün də kifayət qədər uğurlu keçdiyini qeyd edib: “İl boyunca klinakımızda unikal, mürəkkəb əməliyyatlar aparılıb. Bunlardan bəziləri hətta respublikada ilk dəfə olaraq bizim klinikada icra olunub.

Сərrahiyyədə əldə olunmuş nailiyyətlərə dair toplantı keçirilib

2017-ci il dekabrın 22-də Azərbaycan Cərrahlar Birliyinin təşəbbüsü ilə Respublika Müalicəvi Diaqnostika Mərkəzində (RMDM) cərrahların növbəti aylıq elmi toplantısı keçirilib. Cərrah və cərrah-rezidentlərin iştirak etdiyi toplantı maraqlı təqdimatlarla yadda qalıb.

ATU komandası IV yerə layiq görülüb

Azərbaycan İntellektual Oyunlar Assosiasiyasının təşkilatçılığı ilə “Nə? Harada? Nə zaman?” intellektual oyunu üzrə tələbələrarası çempionat keçirilib. Azərbaycan Tibb Universitetinin komandası yarışda IV yerə layiq görülüb.

Zərifə Əliyevanın elmi fəaliyyətinə həsr olunmuş tədbir keçirilib

Azərbaycan Tibb Universitetində (ATU) dahi elm adamı, tanınmış oftalmoloq Zərifə Əliyevanın ölkəmizin səhiyyəsinin inkişafındakı roluna həsr edilən toplantı keçirilib. ATU-nun Tələbə Gənclər Təşkilatının təşəbbüsü ilə təşkil olunan tədbirdə Universitetin müalicə və tədris işləri üzrə prorektoru Sabir Əliyev çıxış edərək Azərbaycanın görkəmli oftalmoloqu haqqında iştirakçılara məlumat verdi.

Respublika Müalicəvi Diaqnostika Mərkəzi ən yaxşı Facebook səhifəsi nominasiyasında qalib olub

2017-ci il dekabrın 20-də Milli İnternet Mükafatı – “Milli Net 2017” qaliblərinin təqdimat mərasimi keçirilib. Yarışmaya 18 Nominasiya üzrə 392 internet resursun təqdim olunduğu və onlardan yalnız 291-nin yarışmaya buraxıldığı bildirib. Səsvermədə Azərbaycan İnternet Forumu tərəfindən peşəkarlardan ibarət olmaqla formalaşdırılan 19 nəfərlik Münsiflər Heyətinin iştirak edildiyi nəzərə çatdırılıb.

Respublika Gigiyena və Epidemiologiya Mərkəzində tədbir keçirilib

21.12.2017-ci il tarixində Respublika Gigiyena və Epidemiologiya Mərkəzində qurumun fəaliyyətinin yekunlarına həsr edilmiş tədbir keçirilmişdir. Tədbirdə qeyd edilmişdir ki, 2017-ci ildə Respublika Gigiyena və Epidemiologiya Mərkəzinin fəaliyyəti “Sanitariya-epidemioloji salamatlıq haqqında” Azərbaycan Respublikasının qanununun, Azərbaycan Respublikası Prezidentinin fərman və sərəncamlarının, Azərbaycan Respublikası Nazirlər Kabinetinin qərarlarının, Səhiyyə Nazirliyinin əmrlərinin, qərarlarının və sərəncamlarının icrasına yönəldilmiş tədbirlərin təşkili və yerinə yetirilməsindən ibarət olmuşdur.

Azərbaycanda Tütünlə Mübarizə üzrə IV Milli Konfrans keçirildi

Tütünlə mübarizə sahəsində son zamanlarda Azərbaycanda yaşanan xüsusi fəallığın davamı olaraq, 2017-ci il dekabrın 20-də “Hyatt Regency” mehmanxanasının “Bakı” zalında Tütünlə Mübarizə üzrə IV Milli Konfrans keçirildi. Ölkə əhalisinin sağlamlığının qorunması sahəsində və tütün epidemiyasının artan təhlükələrinə qarşı daha məqsədyönlü və səmərəli cavab tədbirləri baxımından Milli Məclis tərəfindən yenicə qəbul edilən “Tütün məmulatlarının istifadəsinin məhdudlaşdırılması haqqında” Qanun konfransın əsas müzakirə obyekti oldu.

ATU-da imtahana hazırlıq müzakirə edilib

Bu gün Azərbaycan Tibb Universitetində (ATU) imtahan nəzarətçiləri ilə görüş keçirilib. Görüşdə giriş sözü ilə çıxış edən ATU-nun tədris və müalicə işləri üzrə prorektoru, professor Sabir Əliyev bildirib ki, artıq imtahan öncəsi belə toplantıların keçirilməsi ənənə halını alıb. O, imtahanın qaydalara uyğun şəkildə və tam şəffaf şəraitdə keçirilməsi baxımından, nəzarətçilərin böyük rol oynadığını bildirib: “Nəzarətçilərin namizədliyi bizə kafedra müdirləri tərəfindən təqdim olunub. İnanıram ki, imtahan dönəmində aktiv olacaq, işinizi dəqiq yerinə yetirəcək və sizə göstərdiyimiz etimadı doğruldacaqsınız.”.

Tütünlə Mübarizə üzrə IV Milli Konfrans keçiriləcək

2017-ci il dekabrın 20-də “Hyatt Regency” mehmanxanasının “Bakı” zalında Tütünlə Mübarizə üzrə III Milli Konfrans keçiriləcək. Azərbaycan Respublikasının Prezidenti yanında Gənclər Fondunun dəstəyi ilə “Sağlam Düşüncə” Gənclər təşkilatının icra etdiyi “Tütünsüz Cəmiyyət” layihəsi çərçivəsində Səhiyyə Nazirliyinin İctimai Səhiyyə və İslahatlar Mərkəzinin (İSİM) tərəfdaşlığı təşkil olunan konfransda ölkədə tütünlə mübarizə sahəsində baş verən yeniliklər müzakirə obyekti olacaq.

ATU-nun stomatologiya fakültəsində tələbələrlə toplantı keçirilib

Stomatologiya fakültəsində qrup nümayəndələri ilə ikinci genişləndirilmiş toplanti keçirilib. Toplantıya Stomatologiya fakültəsinin bütün kurslar üzrə qrup nümayəndələri ilə yanaşı, xarici tələbələr üzrə dekan t.ü.f.d.Orxan İsayev və digərləri iştirak ediblər.

Onlayn kurs rezident və gənc həkimlərin marağına səbəb oldu

Azərbaycan Tibb Universiteti ilə İstanbul Universiteti rəhbərliyi arasında əldə edilmiş razılığa əsasən vaxtaşırı rezident və gənc həkimlər üçün internet-onlayn kurslar təşkil olunur. Belə bir kurs Cərrahiyyə Klinikasında dekabrın 14-də baş tutub. İstanbul Universitetin nəzdində fəaliyyət göstərən Beynəlxalq Endoskopik Laparoskopik Cərrahlar Cəmiyyətinin rəhbərliyi və ATU-nun Ümumi Cərrahiyyə və I Cərrahiyyə Xəstəlikləri kafedralarının rəhbərliyinin vasitəçiliyi ilə baş tutan kurs iki gün davam edib. Çoxsaylı gənc Azərbaycan həkimləri internet-onlayn vasitəsi ilə Türkiyənin tanınmış tibb alimlərinin mühazirələrini dinləyib, onları maraqlandıran suallara ətraflı cavab alıblar.

ATU-da “İlk yardımın əsasları” təliminə başlanılıb

Azərbaycan Tibb Universitetində II müalicə-profilaktika fakültəsinin IV kurs, 260-cı qrup tələbəsi Oktay Hüseynovun təşəbbüsü ilə Amerika Ürək Assosiasiyasının proqramı əsasında lisenziyalaşdırılmış təlim kursuna başlanılıb.

"Qeyri-İnfeksion Xəstəliklərin Yükü və Mübarizə Strategiyaları" mövzusunda Milli Konfrans keçirilib

18.12.2017-ci il tarixdə Azərbaycan Tibb Universitetinin Tədris-Terapevtik Klinikasında "Qeyri-İnfeksion Xəstəliklərin Yükü və Mübarizə Strategiyaları"na həsr edilmiş I MİLLİ KONFRANS təşkil olunub.

Kliniki Tibbi Mərkəzdə tədbir keçirilib

15.12.2017-ci il tarixində Kliniki Tibbi Mərkəzdə Toksikoloji Şöbənin fəaliyyətinin yekunlarına həsr edilmiş tədbir keçirilmişdir. Tədbirdə qeyd edilmişdir ki, Səhiyyə Nazirliyinin bütün müəssisələri kimi Səhiyyə Nazirliyinin Kliniki Tibbi Mərkəzi müraciət edən xəstələrə daim zəruri tibbi xidmət göstərir.

Azərbaycan Respublikası Səhiyyə Nazirliyin Rəsmi Saytı
Saytdakı materiallardan istifadə edərkən istinad etmək zəruridir!
Bütün hüquqlar qorunur! © 2011-2013..