Azərbaycan Respublikası Səhiyyə Nazirliyinin rəsmi saytı

Bakıda qarlı və şaxtalı günlər ərzində təcili yardıma 9806 çağırış daxil olub (APA)

Bakıda davam edən qarlı və şaxtalı günlər ərzində Bakı Şəhəri Təcili Tibbi Yardım Stansiyasına 9806 çağırışla müraciət daxil olub. Səhiyyə Nazirliyinin mətbuat xidmətindən APA-ya verilən məlumata görə, bütün çağırışlar yerinə yetirilib. 1125 nəfər təcili tibbi yardım maşınları ilə müxtəlif xəstəxanalara çatdırılıb.

 

Səhiyyə naziri Oqtay Şirəliyev Bakı şəhər Təcili və Təxirəsalınmaz Tibbi Yardımın kollektivinə təşəkkür məktubu ünvanlayıb. Məktubda bildirilir ki, yanvar-fevral aylarında ağır iqlim şəraitində Bakı şəhəri Təcili və Təxirəsalınmaz Stansiyasının işçiləri tərəfindən əhaliyə göstərilən tibbi yardım xüsusi qeyd olunmalıdır: “Bununla əlaqədar olaraq həmin günlərdə əhaliyə operativ və yüksək səviyyədə tibbi xidmət göstərdiklərinə görə müəssisə kollektivinin bütün üzvlərinə təşəkkür edirəm”.

3/02/2012

Azərbaycan Respublikası Səhiyyə Nazirliyin Rəsmi Saytı
Saytdakı materiallardan istifadə edərkən istinad etmək zəruridir!
Bütün hüquqlar qorunur! © 2011-2013