http://health.gov.az/ ru Mətbuatda bizim haqqımızda - SƏHİYYƏ NAZİRLİYİNİN RƏSMİ SAYTI http://health.gov.az/yandexlogo.gif http://health.gov.az/ DataLife Engine http://health.gov.az/metbuat/495-akademik-zrif-liyeva-adna-milli-oftalmologiya-mrkzinin-mtxssislri-son-ild-20-mindn-artq-gz-mliyyat-aparmlar-azrtac.html Akademik Zərifə Əliyeva adına Milli Oftalmologiya Mərkəzinin mütəxəssisləri son üç ildə 20 mindən artıq göz əməliyyatı aparmışlar (AzərTAc) Mətbuatda bizim haqqımızda Парвана Мамедова Sat, 28 Apr 2012 18:31:00 +0500 Son üç ildə Akademik Zərifə Əliyeva adına Milli Oftalmologiya Mərkəzinə göz xəstəlikləri ilə əlaqədar 202 min 300 müraciət daxil olmuşdur. Bizim mütəxəssislər bu müddətdə 18 min 100 əməliyyat keçirmişlər.   AzərTAc xəbər verir ki, bu sözləri Milli Oftalmologiya Mərkəzinin (MOM) direktoru Elmar Qasımov akademik Zərifə xanım Əliyevanın anadan olmasının 89-cu ildönümünə həsr edilmiş elmi konfransdakı çıxışı zamanı demişdir.   Direktor bildirmişdir ki, bu müddətdə MOM-un səyyar klinikası 3 min 750 pasiyenti müayinə etmiş, onlardan 740-nın gözü əməliyyat olunmuşdur. http://health.gov.az/metbuat/493-azrbaycann-ba-pediatr-dnyada-hr-il-peyvnd-yolu-il-3-milyon-uan-hyat-xilas-olunur-apa.html Azərbaycanın baş pediatrı: “Dünyada hər il peyvənd yolu ilə 3 milyon uşağın həyatı xilas olunur” (APA) Mətbuatda bizim haqqımızda Парвана Мамедова Mon, 23 Apr 2012 17:48:00 +0500 Aprelin 28-dək davam edəcək Avropa İmmunlaşdırma Həftəsi təşəbbüsünün məqsədi, immunlaşdırmanın vacibliyi barədə əhalinin daha yaxşı məlumatlandırılması yolu ilə peyvəndlə əhatə olunma səviyyəsini yüksəltməkdir. Həftə ərzində Azərbaycanda peyvəndləmə ilə bağlı problemlərin olduğu bölgələr üzə çıxarılacaq və bu problemlər araşdırılacaq. Azərbaycanın baş pediatrı, Kübra Fərəcova adına Elmi-Tədqiqat və Pediatriya İnstitutunun direktoru Nəsib Quliyev APA-ya bildirib ki, məqsəd həmin yerlərdə immunlaşdırma əhatəsini maksimuma çatdırmaqdır: “Azərbaycanda immunlaşdırma Səhiyyə Nazirliyi tərəfindən il boyu nəzarətdə saxlanılır. Amma peyvənd həftəsində bu problemlər bir daha araşdırılır. Peyvəndləmə üzrə göstəricilərdə problemlərin olduğu bölgələrdə tədbirlər aparılır. Peyvənddən yayınan uşaqların siyahısı tutulur və immunlaşdırmaya cəlb edilir”. N. Quliyevin sözlərinə görə, immunlaşdırma həftəsinin sonunda bütün rayonlarda aparılan işlər haqqında Səhiyyə Nazirliyinə hesabat veriləcək.   Dünyada peyvəndin alternativinin olmadığını deyən baş pediatr bildirib ki, peyvəndlər ən yüksək texnologiya ilə hazırlanır və bütün dünya ölkələri immunnaşdırmaya qoşulub: “Valideynlər peyvənddən imtina etməklə uşaqlarını böyük risk altında saxlayırlar. Peyvənd olunmayan uşaq istənilən zaman təhlükəli yoluxucu xəstəliklərlə yoluxa bilərlər. Valideyn bilməlidir ki, Beynəlxalq Uşaq Haqları Konvensiyasına əsasən, uşağın yardım almaq, xəstəliklərdən qorunmaq, müalicə almaq hüquqları var. Övladını peyvənddən yayındıran valideynlər həm də onların hüquqlarını pozurlar”. N. Quliyev deyib ki, uşaqların hər biri körpə vaxtlarından peyvənd olunmalıdır. Hər bir xəstəliyə qarşı daha həssas yaş dövrlərinin olduğunu xatırladan baş pediatr bildirib ki, peyvənd vurulduqda belə həssas vaxtlarda uşağın orqanizmində immunitet yaranır və o, yoluxucu xəstəlikdən qorunur: “ABŞ-ın Xəstəliklərlə Mübarizə Təşkilatının araşdırmalarının nəticələrinə əsasən, dünyada hər il peyvənd yolu ilə 3 milyon uşağın həyatı xilas olunur”.   N. Quliyev bildirib ki, Azərbaycanda körpələr 10 yoluxucu xəstəliyə qarşı peyvənd olunurlar, sonuncu peyvəndin tətbiqinə ötən ilin iyunundan başlanıb: “Bu, “Haemophilus influenza" çöplərinə qarşıdır. Həmin çöplər uşaqlarda pnevmoniya, meningit kimi qorxulu xəstəliklər törədə bilər. Beləliklə Azərbaycanın peyvənd təqvimi dünyanın ən inkişaf etmiş ölkələri ilə bir səviyyəyə çatıb. Bizim təqvimimiz Ümumdünya Səhiyyə Təşkilatının bütün tövsiyələrinə cavab verir”.   Bakı Şəhər Baş Səhiyyə İdarəsinin baş həkim müavini Rauf Nağıyev APA-ya bildirib ki, Azərbaycana daxil olan hər bir dərman preparatı Dərman Vasitələrinin Analitik Ekspertiza Mərkəzində yoxlanıldıqdan sonra istifadəyə verilir. Peyvəndlə bağlı valideynlər arasında yaranan əndişələrin heç bir əsası olmadığını deyən R. Nağıyev bildirib ki, peyvəndləmədən sonra uşaqlarda baş verən cüzi reaksiyalar təbiidir: “Bu bədənin cavab reaksiyasıdır. Peyvənddən sonra uşaqda yüngülvarı qızdırma, bir az halsızlıq müşahidə edilə bilər, bu, normaldır. Peyvənddən sonra uşaq sanki, həmin xəstəliyi zəif bir formada keçirir. Peyvəndləmə ilə bağlı tibbi nöqteyi-nəzərdən düzgün olmayan informasiyalar əhalidə çaşqınlıq yaradır. Ona görə də, əsl həqiqəti mütəxəssislərdən öyrənmək lazımdır”.   Qeyd edək ki, Azərbaycanda uşaqlar hepatit B (sarılığa qarşı), BSJ-poliomielit (vərəmə və iflicə qarşı), AKDS (göy öskürək, difteriya, tetanus), R-mantu (vərəmi yoxlamaq üçün sınaq), QMP (qızılca, məxmərək, qulaqdibi peyvəndi), AKDS (AKDS-in revaksinasiyasi), R-ADS (difteriya, tetanus), R-QMP, R-mantuya (mantu sınağı) və “Haemophilus influenza" çöplərinə qarşı peyvənd edilir. http://health.gov.az/metbuat/481-azrbaycanda-crrahiyynin-inkiaf-xalqmza-layiqinc-xidmt-etmy-imkan-verir-azrtac.html Azərbaycanda cərrahiyyənin inkişafı xalqımıza layiqincə xidmət etməyə imkan verir (AzərTAc) Mətbuatda bizim haqqımızda Парвана Мамедова Tue, 10 Apr 2012 16:52:00 +0500  Azərbaycanda cərrahiyyənin inkişafı xalqımıza layiqincə xidmət etməyə tam imkan verir. Ölkə vətəndaşlarının cərrahiyyə əməliyyatları üçün xaricə üz tutmalarına ehtiyac yoxdur. AzərTAc xəbər verir ki, bu barədə Səhiyyə Nazirliyinin baş cərrahı Hacıqulu Bağırov bildirmişdir.   Azərbaycanda ilk dəfə yuxarı ətrafın replantasiyası (qopmuş orqanların bərpası) əməliyyatlarının aparıldığını söyləyən baş mütəxəssis bildirmişdir ki, əməliyyatlar Səhiyyə Nazirliyinin tabeliyində olan Mərkəzi Neftçilər Xəstəxanasında (MNX) iki xəstə üzərində keçirilmişdir.   Ölkəmizdə bu əməliyyatlara yenicə başlandığını deyən baş cərrah əlavə etmişdir ki, bunun üçün MNX lazımi avadanlıqlarla təchiz olunmuşdur.   H.Bağırov onu da demişdir ki, cərrahiyyə çox ağır sahədir. Xəstələrin bədənində yad cisimlərin qalması halları mümkündür. Bu, yalnız ekstremal hallarda, yəni xəstənin həyatını xilas etmək naminə ola bilər. http://health.gov.az/metbuat/480-orta-asiya-v-qafqazda-qaraciyr-v-byryin-eyni-anda-transplantasiyas-ilk-df-azrbaycanda-keirilib-gnaz.html Orta Asiya və Qafqazda qaraciyər və böyrəyin eyni anda transplantasiyası ilk dəfə Azərbaycanda keçirilib (Gün.Az) Mətbuatda bizim haqqımızda Парвана Мамедова Tue, 10 Apr 2012 16:50:00 +0500 Mərkəzi Neftçilər Xəstəxanasında ilk dəfə olaraq qaraciyər və böyrəyin eyni anda transplantasiyası icra olunub. Gün.Az xəbər verir ki, bu gün dünyada nadir sayıla biləcək böyrək və qaraciyər transplantasiyasının Mərkəzi Neftçilər Xəstəxanasında ilk dəfə olaraq icra olunması ilə bağlı mətbuat konfransı keçirilib.   Konfransda çıxış edən Mərkəzi Neftçilər Xəstəxanasının İnsan Orqan və Toxumalarının Transplantasiyası Şöbəsinin müdiri Mircəlal Kazımi bildirib ki, qaraciyər transplantasiyası əməliyyatları 12 dekabr 2008-ci ildən Qafqaz, Qazaxıstan və Orta Asiya regionunda tək mərkəz olaraq Mərkəzi Neftçilər Xəstəxanasında icra olunur.   “Azərbaycanda transplantologiyanın tarixi yeni deyil. Hələ 1971-ci ildə regionda ilk dəfə akademik M.Cavadzadə tərəfindən Respublika Uroloji Xəstəxanasında böyrək transplantasiyası edilib. Bunun məntiqi nəticəsidir ki, Mərkəzi Neftçilər Xəstəxanasında da aktiv surətdə böyrək və qaraciyər transplantasiyası əməliyyatları icra olunur” – deyə, M.Kazımi bildirib.   Şöbə müdiri qeyd edib ki, əməliyyat zamanı 2 ayrı donordan ayrı-ayrılıqda böyrək və qaraciyər götürülüb və 40 yaşlarında olan xəstəyə köçürülüb.   “Xəstə şəkər və xroniki böyrək çatışmazlığından əziyyət çəkirdi. 6 ay ərzində bizim müşahidələrimiz altında müayinə və müalicələr aldı. Əməliyyata 1 ay qalmış ambulator müayinələr aparıldı. Əməliyyat uğurla başa çatıb. Hazırda xəstə özünü yaxşı hiss edir. Donorlar artıq evə buraxılıb”.   http://health.gov.az/metbuat/479-neftilr-xstxanasnda-qaraciyr-serrozu-v-xroniki-byrk-atmazlndan-ziyyt-kn-xst-zrind-2-orqann-transplantasiyas-mliyyat-keirilib-apa.html Neftçilər Xəstəxanasında qaraciyər serrozu və xroniki böyrək çatışmazlığından əziyyət çəkən xəstə üzərində 2 orqanın transplantasiyası əməliyyatı keçirilib (APA) Mətbuatda bizim haqqımızda Парвана Мамедова Tue, 10 Apr 2012 16:49:00 +0500 . Səhiyyə Nazirliyinin nəzdində olan Neftçilər Xəstəxanasında qaraciyər serrozu və xroniki böyrək çatışmazlığından əziyyət çəkən xəstə üzərində həyata keçirilən 2 orqanın transplantasiyası əməliyyatı ilə bağlı tədbir təşkil olunub. APA-nın məlumatına görə, tədbirdə çıxış edən Səhiyyə Nazirliyinin cərrahiyyə ixtisası üzrə baş mütəxəssisi Hacıqulu Bağırov bildirib ki, Azərbaycanda ilk böyrək transplantasiyası 1971-ci ildə gerçəkləşib, qaraciyər transplantasiyası əməliyyatlarına isə 2008-ci ildən başlanılıb. O deyib ki, bu günədək Mərkəzi Neftçilər Xəstəxanasında canlı donordan 20 qaraciyər və 18 böyrək transplantasiyası əməliyyatları icra olunub.   Xəstəxananın Cərrahiyə və orqan transplantologiyası şöbəsinin müdiri Mircavad Kazımı Azərbaycanda ilk dəfə olaraq bir xəstəyə iki orqanın - qaraciyər və böyrəyin köçürülməsi əməliyyatının həyata keçirildiyini söyləyib. Onun sözlərinə görə, bu əməliyyat MDB məkanında da yenilikdir və dünyada da nadir təsadüf olunan əməliyyatdır. M. Kazimi üzərində əməliyyat aparılan 40 yaşlı Mehman Eyyubovun vəziyyətinin qənaətbəxş olduğunu deyib.   Xəstəxananın Endoskopik cərrahiyyə şöbəsinin müdiri Eldar Əhmədov isə əməliyyat üçün lazım olan orqanların iki canlı donordan götürüldüyünü açıqlayıb: “Qaraciyər donorundan qaraciyərin 55-60 faizə qədər sağ payı götürülüb. Böyrək donorundan isə sol böyrək alınıb. Hər iki donorun vəziyyəti qənaətbəxşdir. Onlardan biri artıq evə göndərilib, digəri isə bu gün evə buraxılacaq. Donorlar xəstənin yaxın qohumlarıdır”.   http://health.gov.az/metbuat/478-azrbaycanda-ilk-df-olaraq-yuxar-trafn-replantasiyas-mliyyat-aparlb-apa.html Azərbaycanda ilk dəfə olaraq yuxarı ətrafın replantasiyası əməliyyatı aparılıb (APA) Mətbuatda bizim haqqımızda Парвана Мамедова Tue, 10 Apr 2012 16:48:00 +0500 Azərbaycanda ilk dəfə olaraq yuxarı ətrafın replantasiyası (qopmuş orqanların bərpası) əməliyyatları aparılıb.   Bu barədə APA-ya Səhiyyə nazirliyinin cərrahiyyə ixtisası üzrə baş mütəxəssisi Hacıqulu Bağırov bildirib. Onun sözlərinə görə, yuxarı ətrafın replantasiyası əməliyyatı iki xəstə üzərində aparılıb və həmin əməliyyatlar Səhiyyə Nazirliyinin nəzdində olan Mərkəzi Neftçilər Xəstəxanasında (MNX) həyata keçirilib.   MNX-nın Cərrahiyyə mərkəzinin ortopediya və travmatologiya şöbəsinin həkimi Elxan QasımovAPA-ya bildirib ki, hər iki xəstə üzərində öz orqanlarının replantasiyası əməliyyatı həyata keçirilib. E.Qasımov deyib ki, xəstələrdən birində qolun, digərində isə əl biləyinin replantasiyası əməliyyatı həyata keçirilib. Onun sözlərinə görə, hər iki xəstədə ətrafların funksiyası tamamilə bərpa olunub və onlar əvvəlki iş yerlərinə qayıdıblar. E. Qasımov onu da bildirib ki, Azərbaycanda ətrafın replantasiyası əməliyyatlarına yenicə başlanılıb və bunun üçün MNX lazımi avadanlıqlarla təchiz olunub.   http://health.gov.az/metbuat/477-azrbaycanda-ilk-df-iki-orqann-eyni-vaxtda-transplantasiyas-hyata-keirilib-trend.html Azərbaycanda ilk dəfə iki orqanın eyni vaxtda transplantasiyası həyata keçirilib (Trend) Mətbuatda bizim haqqımızda Парвана Мамедова Mon, 09 Apr 2012 16:48:00 +0500 Azərbaycanda ilk dəfə olaraq, qaraciyər və böyrəyin transplantasiyası eyni anda həyata keçirilib. Bunu Trend-ə Azərbaycan Səhiyyə Nazirliyinin Mərkəzi Neftçilər Xəstəxanasının baş həkimi Həbib Yüzbaşıyev deyib.   Onun sözlərinə görə, hər iki orqanın transplantasiyası bir əməliyyatla yerinə yetirilib. Cərrah-həkim Mircəlal Kazımi, Eldar Əhmədov, Elnur Fərəcovun iştirakı ilə keçirilən əməliyyat 24 saat davam edib. Əməliyyat 40 yaşlı şəxs üzərində aparılıb. Həmin şəxsin qaraciyərində serroz və böyrəyində nevropatiya olub. Xəstənin əvvəlcə qaraciyəri, daha sonra isə böyrəyi tranplantasiya edilib. Hazırda xəstənin vəziyyəti yaxşıdır. http://health.gov.az/metbuat/476-azrbaycanda-pasiyentlr-n-yenilik-trend.html Azərbaycanda pasiyentlər üçün yenilik (Trend) Mətbuatda bizim haqqımızda Парвана Мамедова Mon, 09 Apr 2012 16:46:00 +0500 Azərbaycanda həkim müayinəsinə getmək istəyən şəxslər həkimin qəbuluna elektron yolla yazılacaqlar. Bunu bazar ertəsi Trend-ə Azərbaycan Səhiyyə Nazirliyinin Səhiyyənin İnformasiyalaşdırılması Mərkəzinin direktoru Cəbrayıl Əsəd-zadə deyib.   Onun sözlərinə görə, bu il ərzində elektron qeydiyyatın aparılması üçün proqram təminatının hazırlanması və tətbiqi nəzərdə tutulur. Elektron qeydiyyat sistemi bu il ilk olaraq, Bakıda pilot seçilmiş bir neçə poliklinikada tətbiq ediləcək. Elektron qeydiyyat sistemi yalnız dövlət ambulator tibbi müəssisələrini əhatə edəcək.   Əsəd-zadə bildirib ki, elektron qeydiyyat tətbiq edildikdən sonra pasiyent internetlə həkimin qəbuluna yazılacaq və növbəsini müəyyənləşdirəcək. Bunun da nəticəsində pasiyent əvvəlcədən müəyyən edilmiş vaxtda həkimin qəbuluna gələcək və öz növbəsində - gözləmədən qəbula girəcək.   "Pasiyent bunun sayəsində qabaqcadan biləcək ki, hansı hakim hansı poliklinikada işləyir və xəstələrini nə vaxt qəbul edir. Bu məlumat olduqdan sonra pasiyent istədiyi həkimi seçəcək və qəbul tarixini həkimin qrafikinə uyğun olaraq müəyyən edəcək", - mərkəz direktoru əlavə edib.   Əsəd-zadə bildirib ki, elektron qeydiyyatın aparılması üçün pasiyentlərdən əlavə avadanlıq və kart tələb edilməyəcək. Onlar sadəcə internet vasitəsilə sayt üzərindən qeydiyyata yazıla biləcəklər. Elektron qeydiyyatın nazirlik tərəfindən mərkəzləşdirilmiş sayt vasitəsilə həyata keçiriləcəyi gözlənilir. http://health.gov.az/metbuat/475-azrbaycanda-158-knd-hkimin-ail-hkimi-statusu-verilib-apa.html Azərbaycanda 158 kənd həkiminə ailə həkimi statusu verilib (APA) Mətbuatda bizim haqqımızda Парвана Мамедова Fri, 06 Apr 2012 16:43:00 +0500 İctimai Səhiyyə və İslahatlar Mərkəzində (İSİM) ailə həkimlərinə tibb çantalarının verilməsi ilə bağlı tədbir keçirilib. APA-nın məlumatına görə, tədbirdə çıxış edən İSİM-in direktoru Ceyhun Məmmədov bildirib ki, Azərbaycanda həyata keçirilən səhiyyə sektorunda islahatlar layihəsinin əsas komponentlərindən biri də ilkin səhiyyə xidmətlərinin gücləndirilməsi və ailə təbabətinin inkişaf etdirilməsidir. O deyib ki, ölkədə ailə həkimlərinin statusu səhiyyə nazirinin əmri ilə 1998-ci ildə təsdiqlənib. Artıq bir neçə ildir Azərbaycan Tibb Universitetində və Əziz Əliyev adına Azərbaycan Dövlət Həkimləri Təkmilləşdirmə İnstitutunda ailə həkimləri kafedraları fəaliyyət göstərir.   C. Məmmədov qeyd edib ki, ailə həkimlərinin cərrahiyyə, mama-ginekologiya, göz, dəri və digər xəstəliklərdən bilikləri olmalıdır. Ailə həkimlərinin biliklərinin artırılması üçün onların kurslara cəlb edildiyini söyləyən İSİM direktorunun sözlərinə görə, bu günədək 158 kənd həkimi ailə həkimi statusu alıb.   Səhiyyə sektorunda islahatlar layihəsinin mütəxəssisi Kamran Rzayev isə ailə həkimlərinin Azərbaycanda hələlik 5 pilot rayonda fəaliyyət göstərdiyini söyləyib. Tibb ləvazimatları yerləşdirilən çantalar Şəki, Qax, Ağdaş, İsmayıllı və Abşeron rayonlarında fəaliyyət göstərən bütün ailə həkimlərinə veriləcək. http://health.gov.az/metbuat/467-elektron-salamlq-kartlarnn-tcili-tibbi-yardm-manlarnda-oxunmas-n-qurular-sifari-olunacaq-ictnewsaz.html Elektron sağlamlıq kartlarının təcili tibbi yardım maşınlarında oxunması üçün qurğular sifariş olunacaq (ictnews.az) Mətbuatda bizim haqqımızda Парвана Мамедова Mon, 02 Apr 2012 11:29:00 +0500 "Vətəndaşların Elektron Sağlamlıq Kartı"nın (VESK) təcili tibbi yardım maşınlarında oxunması üçün sınaqlar aparmaq niyyətində olan Səhiyyə Nazirliyi bu məqsədlə xüsusi qurğular almağı planlaşdırır. Bu barədə "İCTnews" elektron xəbər xidmətinə Səhiyyə Nazirliyində Səhiyyənin İnformasiyalaşdırılması Mərkəzinin direktoru Cəbrayıl Əsədzadə məlumat verib.   Mərkəzin direktoru bildirib ki, qurğuların bu il ərzində sifariş olunması nəzərdə tutulur: "Onların konkret hansı ölkədən sifariş ediləcəyi hələlik müəyyənləşdirilməyib. Qurğular ölkəyə gətirildikdən sonra onlar üçün proqram təminatı hazırlanacaq. Ümid edirik ki, ilin sonuna qədər bu iş tamamlanacaq və Bakı şəhərindəki təcili tibbi yardım maşınlarında çalışan həkimlər kartların oxunmasına imkan verən qurğularla təchiz olunacaqlar. Həkimlər də qurğular vasitəsilə istənilən zaman elektron sağlamlıq kartlarında olan məlumatları oxuyub operativ nəticə cıxara biləcəklər".   C.Əsədzadənin sözlərinə görə, bununla da kartda olan informasiyaların xəstəxanaların qeydiyyat şöbələrində, laboratoriyalarda oxunması ilə yanaşı, təcili tibbi yardım maşınlarında kompyuterlərə qoşulmuş xüsusi qurğular vasitəsilə oxunması və dəyişdiriməsi mümkün olacaq.   Qeyd edək ki, bu prosesin əsas məqsədi internet olmadığı məkanda əsas bazadan məlumatların oxunmasının mümkünlüyünə şərait yaratmaqdır. Kartların üzərindəki çiplər vasitəsilə məlumatların oxunması fövqəladə hallar zamanı, eləcə də vətəndaşın xəstəlikləri ilə bağlı məlumat verə bilmədiyi hallarda köməyə çatacaq.   Bu sınaq başa çatdıqdan sonra kartı tibb maşınlarında quraşdırılmış oxucuya salaraq, bütün lazımi məlumatları anında əldə etmək mümkün olacaq. Bu da xəstəyə qısa zaman ərzində daha operativ diaqnoz qoyulmasına, müayinə və müalicə prosesinin tezləşdirilməsinə, vaxtında yardım edilməsinə imkan verəcək.