Azərbaycan Respublikası Səhiyyə Nazirliyinin rəsmi saytı

Sertifikasiya prosesinin növbəti imtahanlarının nəticələri bəlli oldu

Səhiyyə Nazirliyi tərəfindən praktik tibb və əczaçılıq fəaliyyəti ilə məşğul olan səhiyyə mütəxəssislərinin sertifikasiya prosesinin növbəti imtahanlarının nəticələri aşkarlanıb.

Belə ki, 27.07.2011-ci il tarixində mamalıq-ginekologiya və  yoluxucu xəstəliklər ixtisasları üzrə keçirilən imtahanlarda ümumilikdə 44 həkim iştirak etmişdir. İmtahanlarda iştirak edən həkimlərdən 41 (93%) nəfər uğurlu nəticələr əldə etmişdir.

Növbəti test imtahanları allerqologiya və otorinolaringologiya ixtisasları üzrə 03.08.2011-ci il tarixində keçiriləcək.

Səhiyyə Nazirliyinin Mətbuat xidmətinin məlumatı