Azərbaycan Respublikası Səhiyyə Nazirliyinin rəsmi saytı

XTİNM-in mütəxəssisləri məlumatlandırıcı təqdimat keçiriblər (FOTO)

Xəzər Universitetində müəllim və tələbələr üçün Xüsusi Təhlükəli İnfeksiyalara Nəzarət Mərkəzinin (XTİNM) mütəxəssisləri–Aytac Nəsirli, Cəlalə Həsənova, Koronavirus infeksiyası haqqında tanıdıcı təqdimat keçiriblər.

 

Təqdimatı departamentin rəhbəri Asəf Ömərov açaraq qonaqları və tədbir iştirakçılarını salamlayıb. O, zoonoz mənşəli xəstəliklərin insan sağlamlığında rolu, onların yayılması haqqında giriş nitqi söylədikdən sonra sözü XTİNM-in mütəxəssislərinə verib. Mütəxəssislər koronavirus infeksiyası–onun epidemiologiyası, etiologiyası, patogenezi, simptomları, laborator diaqnostikası, profilaktikası, müalicəsi haqqında məlumat verməklə, qonşu ölkələrdə baş vermiş alovlanma hallarının, xəstəliyin son statistik məlumatlarını tədbir iştirakçılarının diqqətinə çatdırıb.

 

XTİNM-in mütəxəssisləri bu təhlükəli virusla bağlı tədbir iştirakçılarında yaranmış sualları cavablandırıblar. Tədbirin sonunda universitetin rektoru Dr. İradə Xəlilova qonaqlara təşəkkürünü bildirib. Seminar iştirakçılarına universitetdə aparılmış ümumi profilaktika tədbirləri bir daha xatırladılıb. Həmçinin, rektor ictimai nəqliyyatdan istifadə edərkən, qida qəbulundan öncə, respirator əlamətləri olan insanlarla münasibət, xəstə olarkən, gözlənilməsi vacib olan fərdi gigiyena qaydaları haqqında seminar iştirakçılarına məlumat verib.

 

Tədbir sonunda iştirakçıları maraqlandıran suallar cavablandırılıb.

 

Səhiyyə Nazirliyi Mətbuat Xidmətinin Məlumatı

 

 

 

 

 

24/02/2020

Azərbaycan Respublikası Səhiyyə Nazirliyin Rəsmi Saytı
Saytdakı materiallardan istifadə edərkən istinad etmək zəruridir!
Bütün hüquqlar qorunur! © 2011-2018..

-->