Azərbaycan Respublikası Səhiyyə Nazirliyinin rəsmi saytı

Azərbaycanın səhiyyə naziri Oqtay Şirəliyev bir sıra ikitərəfli görüşlər keçirmişdir

Sentyabrın 12-15- tarixlərində Bakıda  keçirilən Ümumdünya Səhiyyə Təşkilatının (ÜST) Avropa Regional Komitəsinin 61-ci sessiyası çərçivəsində Azərbaycanın səhiyyə naziri Oqtay Şirəliyev bir sıra ikitərəfli görüşlər keçirmişdir.

 

Türkiyə Cümhuriyyətinin Səhiyyə naziri Rəcəb Akdağın rəhbərlik etdiyi nümayəndə heyəti ilə görüş olmuşdur. Səmimi və dostluq şəraitində keçən görüşdə bir çox məsələlərə toxunuldu.

 

Nazir O.Şirəliyev Türkiyə səhiyyə sektorunda görülən coxşaxəli işlərdən, əldə olunan nailiyyətlərdən, dost ölkəsində səhiyyə təşkilatçılığı baxımından uğurlu layihələrə imza atmalarından bəhs etdi. Rəcəb bəyin Azərbaycan səhiyyəsinə xüsusi önəm verdiyini deyən səhiyyə naziri Oqtay Şierəliyev kadr hazırlığı, Türkiyənin tanınmış universitetlərində keçirilən uzmanlıq kurslarından, ölkəmizdə tibb elminin inkişafı baxımından Azərbaycan səhiyyəsinə böyük dəstək olduğuna  görə Rəcəb Akdağa təşəkkürünü bildirdi.

 

 Görüş əsnasında türkiyəli nazir ölkəsində  son illər ərzində əldə etdikləri nailiyyətlərdən danışaraq bu təcrübənin Azərbaycanla paylaşmanın tərəfdaşı olduğunu söylədi. Bunun üçün azərbaycanlı müdavimlərə istər Bakıda istərsə də Türkiyədə master-klassların keçirilməsini təklif etdi. Nazir son illər ərzində Türkiyə səhiyyəsinə Avropa ölkələrinin də diqqətinin artığını, bu ölkələrdən müalicə almaq üçün Türkiyə üz tutan xəstələrinin sayının artması faktını qeyd etdi.

 

Son 5 il ərzində Azərbaycan səhiyyəsində də böyük uğurların əldə olunduğunu bildirən R.Akdağ ölkə başçısının bu sahəyə verdiyi diqqət və qayğını xüsusi vurğuladı.

 

Görüşdə bir çox məsələlər müzakirə olundu. Türkiyədə özəl sektorun inkişafı, yoluxucu xəstəliklərlə mübarizə planın tətbiqi, xəstəxanalarda qurulmuş iş prinsipi, və Türkiyədə 2016-cı ilə kimi səhiyyə sahəsində nəzərdə tutulmuş planlarla bölüşən Rəcəb Akdağ  sıx əməkdaşlıq edən qardaş ölkələrin münasibətlərini bir az da yeniləmək , daha da genişləndirmək təklifini irəli sürdü.

 

Sonda Rəcəb Akdağ  səhiyyə naziri Oqtay Şirəliyevi Türkiyəyə  doğma diyarı olan və hər baxımdan Azərbaycana çox bənzəyən Ərzuruma dəvət etdi və təklif O.Şirəliyev tərəfindən səmimiliklə qəbul olundu.

 

Bakıda  keçirilən Ümumdünya Səhiyyə Təşkilatının (ÜST) Avropa Regional Komitəsinin 61-ci sessiyası çərçivəsində Azərbaycanın səhiyyə naziri Oqtay Şirəliyev keçirdiyi ikitərəfli  görüşlər əsnasında Estoniya nümayəndə heyətinin  rəhbəri, Sosial işlər naziri cənab Hanno Revkuru,  Malta  nümayəndə heyətinin  rəhbəri, Yaşlı insanlar və əhaliyə xidmət naziri doktor Joseph R.Cassarı, Sloveniya nümayəndə heyətinin  rəhbəri, səhiyyə naziri doktor Dorijan Marişici və Bosniya –Hersoqovina nümayəndə heyətinin  rəhbəri, Milli İşlər naziri cənab Sredoje Mülni ilə görüşlər keçirmişdir.

 

Səhiyyə Nazirliyinin Mətbuat xidmətinin məlumatı

13/09/2011

Azərbaycan Respublikası Səhiyyə Nazirliyin Rəsmi Saytı
Saytdakı materiallardan istifadə edərkən istinad etmək zəruridir!
Bütün hüquqlar qorunur! © 2011-2013