Sağlamlıq aylığı çərçivəsində profilaktik tibbi müayinə olanların sayı artır

Səhiyyə Nazirliyinin 23 noyabr 2012-il tarixli 113 nömrəli əmri ilə təsdiq edilmiş “Sağlam həyat uğrunda” aylığın keçirilməsi üzrə Tədbirlə Planına uyğun olaraq 1-20 dekabr tarixi üzrə aparılan tibbi profilaktik müayinələr barədə statistik göstəricilər aşağıda göstərilmişdir.

	Cəmi (nəfər)	Onlardan
		böyük		uşaq (0-17 yaş)
		kişi	qadın	oğlan	qız
Müayinə olunub	1724263	377767	499276	411754	*407050*
onlardan:
Bakı şəhəri üzrə	770427	164315	225106	192188	182809
Rayonlar üzrə	953836	213452	274170	219566	224241

1 dekabr 2012-ci il tarixindən 20 dekabr 2012-ci il tarixədək respublika üzrə müalicə-profilaktika müəssisələrində terapevt, cərrah, nevropatoloq, pediatr, infeksionist, mama-ginekoloq, oftalmoloq və s. mütəxəssisləri tərəfindən əhalinin tibbi müayinəsi, o cümlədən laboratoriya analizləri, ultrasəs müayinəsi, elektrokardioqrafiya müayinələri aparılmışdır.

Müayinələr zamanı müxtəlif xəstəlikləri aşkar olunmuş insanlar mütəxəssislər tərəfindən müxtəlif profilli stasionar və ambulator müalicələrə cəlb edilmişlər.

Sağlamlıq aylığı çərçivəsində aparılan profilaktik müayinələr dekabr ayının sonunadək davam edəcəkdir.

Səhiyyə Nazirliyi Mətbuat Xidmətinin məlumatı

21/12/2012