Xəbərlər » Səhifə 2

Azərbaycan Respublikası Səhiyyə Nazirliyinin rəsmi saytı

Cərrah və cərrah-rezidentlərə dair ELAN

11 iyun 2018-ci il tarixdə saat 16:00-da Azərbaycan Cərrahlar Birliyinin təşəbbüsü ilə Respublika Müalicəvi Diaqnostika Mərkəzində (RMDM) cərrahların növbəti aylıq elmi toplantısı keçiriləcək.

 

ELAN! Laparoskopik cərrahiyyə üzrə kurs keçiriləcəkdir

 

Ə.Əliyev adına Azərbaycan Dövlət Həkimləri Təkmilləşdirmə İnstitutunda 04-15 iyun 2018-ci il tarixində ödənişli əsaslarla “Laparoskopik cərrahiyyənin əsasları” kursunun keçirilməsi planaşdırılıb.

Təlim zamanı laparoskopik cərrahiyyənin elmi əsaslarına həsr olunmuş mühazirə və video mühazirələr oxunacaq, laparoskopik vərdişlərin öyrənilməsi, ayrı-ayrı əməliyyatların edilməsi texnikasına həsr olunmuş təcrübi məşğələlər aparılacaq və canlı əməliyyatlar nümayiş olunacaq.

Təlimin sonuncu günü iştirakçılar qiymətləndiriləcək, sertifikatlar təqdim ediləcək.

Təlimlərdə İştirak etmək istəyənlər institutun tədris şöbəsinə müraciət edə bilərlər.

Telefon: (+994 12) 5650428

ELAN 2017-ci ildə rezidenturanı bitirmiş həkim-mütəxəssislərin diplomları təqdim olunur

2017-ci ildə rezidentura təhsilini bitirmiş həkim-mütəxəssislərə rezidentura təhsili diplomları təqdim olunur.

 

 

Elan! 2018-ci ilin fevral ayında aparılan yekun attestasiyadan müvəffəqiyyətlə keçərək rezidentura təhsilini bitirən həkim-mütəxəssislərin təyinatı barədə

2018-ci ilin fevral ayında aparılan yekun attestasiyadan müvəffəqiyyətlə keçərək rezidentura təhsilini bitirən həkim-mütəxəssislərin təyinatı və iş yerinə göndərilməsi Azərbaycan Respublikasının Səhiyyə Nazirliyində aşağıdakı cədvəl üzrə keçiriləcəkdir.

Müraciət edənlərdən şəxsiyyət vəsiqələrini təqdim etmələri xahiş olunur.

2016/2017-ci tədris ilində rezidenturanı bitirmiş həkim-mütəxəssislərin nəzərinə

Azərbaycan Respublikası Nazirlər Kabinetinin 2014-cü il 13 may tarixli 144 nömrəli qərarı ilə təsdiq edilmiş “Baza ali tibb təhsili və rezidentura təhsili haqqında dövlət sənədlərinin nümunələri və onların verilməsi Qaydası”nın 3.8-ci bəndinə əsasən diplomda məzunun soyadı, adı və atasının adı onun şəxsiyyətini təsdiq edən sənəd əsasında yazılır.

Dr. Toby Long tərəfindən “Autizm spektr pozuntuları” və “Uşaqlarda inkişafın ləngimələri” mövzularında mühazirələr keçiriləcək

ABŞ-ın Bakıdakı səfirliyi və Bakı Dövlət Universiteti "Autizm Spektr Pozuntuları" və "Uşaqlarda inkişafın ləngimələri" mövzularında ictimai məruzələrə qatılmağa dəvət edir. Məruzələr əlil və xüsusi qayğıya ehtiyacı olan uşaqlara xidmət üzrə beynəlxalq səviyyədə tanınmış spiker və məsləhətçi Georgetown Universitetinin professoru Dr. Toby Long tərəfindən həyata keçirilir.

Avropa Uşaq Ortopediyası Cəmiyyətinin (EPOS) regional kursu keçiriləcəkdir

Avropa Uşaq Ortopediyası Cəmiyyətinin (EPOS) regional kursu 09-10.03.2018-ci il tarixlərində Hyatt Regency otelində keçiriləcəkdir. Kurs həkim-travmatoloq-ortopedlər, eləcə də “Travmatologiya-ortopediya” ixtisası üzrə təhsil alan həkim-rezidentlər üçün keçirilir. Kurs Səhiyyə Nazirliyinin Elmi-Tibbi Şurası tərəfindən Davamlı Tibbi Təhsil tədbiri kimi akkreditasiya olunmuşdur.

Elan: Rezidentlərin yekun attestasiyası barədə

Əmək qabiliyyətini müvəqqəti itirmə və ya sosial məzuniyyətlə əlaqədar təhsil müddəti fevral ayının sonlarınadək uzadılmış, eləcə də 2017-ci ilin oktyabr ayında keçirilmiş yekun attestasiyanın I və ya II mərhələsindən keçə bilməmiş və ya üzrlü səbəbdən attestasiyada iştirak etməmiş həkim-rezidentlər üçün 2018-ci ilin fevral ayında yekun attestasiya keçiriləcəkdir. Naxçıvan Dövlət Universitetinin rezidentləri istisna olmaqla digər klinik bazaların rezidentləri üçün yekun attestasiya Azərbaycan Tibb Universitetində keçiriləcəkdir.

Elan! M.A.Topçubaşov adına Elmi Cərrahiyyə Mərkəzində həkim-rezidentlər üçün mühazirə və kurslar keçirilir

M.A.Topçubaşov adına Elmi Cərrahiyyə Mərkəzində ümumi cərrahiyyə, mamalıq-ginekologiya və urologiya ixtisasları üzrə təhsil alan həkim-rezidentlər üçün ümumi və laparoskopik cərrahiyyə üzrə silsilə interaktiv mühazirələr və kurslar keçirilir.

Elan 2016/2017-ci tədris ilində rezidentura təhsilini bitirən həkim-mütəxəssislərin təyinatı

2016/2017-ci tədris ilində rezidentura təhsilini bitirən həkim-mütəxəssislərin təyinatı

Rezidentlərin yekun attestasiyası haqqında

Rezidentlərin yekun attestasiyası Azərbaycan Respublikası Səhiyyə Nazirliyinin 11.10.2017-ci il tarixli 69 nömrəli əmri ilə təsdiq edilmiş Attestasiya Komissiyası tərəfindən aparılacaqdır. Naxçıvan Dövlət Universitetinin rezidentlərinin yekun attestasiyası həmin universitetdə, digər klinik bazaların rezidentlərinin yekun attestasiyası Azərbaycan Tibb Universitetində keçiriləcəkdir.

Dövri attestasiya imtahanlarında iştirak edəcək rezidentlərin nəzərinə!

 2017-ci ilin oktyabr ayında keçirilən dövri attestasiyadan keçə bilməyən və ya üzrlü səbəbdən iştirak etməyən rezidentlər üçün 10 noyabr 2017-ci il tarixində saat 1400-da Azərbaycan Tibb Universitetinin Virtual Test Mərkəzində (VTM) təkrar imtahan keçiriləcəkdir.

Fizioterapiyada müasir texnologiyalara dair seminar keçiriləcək

 

 

14 oktyabr saat 09:00-16:00-da "Fizioterapiyada müasir texnologiyalar" mövzusunda elmi-praktik seminar keçiriləcək.

Rezidentlərə dair ELAN

2017/2018-Cİ TƏDRİS İLİ ÜÇÜN REZİDENTURAYA QƏBUL OLMUŞ VƏ AZƏRBAYCAN RESPUBLİKASININ SƏHİYYƏ NAZİRLİYİNDƏ QEYDİYYATDAN KEÇMİŞ ŞƏXSLƏRİN NƏZƏRİNƏ!

2017/2018-ci tədris ili üçün rezidenturaya qəbul olmuş və Səhiyyə Nazirliyində qeydiyyatdan keçmiş şəxslər 30 sentyabr 2017-ci il tarixinədək aşağıdakı siyahıda göstərilən sənədləri təqdim etmək və əmək müqaviləsi bağlamaq üçün qəbul olduqları klinik bazalara müraciət etməlidirlər.

 

Həkim-rezidentlərin dövri attestasiyası haqqında

 Həkim-rezidentlərin dövri attestasiyası Azərbaycan Tibb Universitetinin (ATU) Virtual Test Mərkəzində 2017-ci ilin oktyabr ayında aşağıdakı cədvəl üzrə keçiriləcəkdir:

ATU-da tələbə adını qazanmış abituriyentlərin qeydiyyatına dair Elan

Avqustun 15-dən etibarən Azərbaycan Tibb Universitetinin (ATU) tələbəsi adını qazanmış abituriyentlərin qeydiyyat prosesinə başlanmışdır.

 

Sənəd qəbulunun sadə keçməsi üçün universitet rəhbərliyi tərəfindən bütün zəruri tədbirlər görülüb.

 

Elan

HƏKİMLƏRİN MƏRKƏZLƏŞDİRİLMİŞ İŞƏ QƏBULU İLƏ BAĞLI 24.07.-25.07.2017-Cİ İL TARİXLƏRİNDƏ KEÇİRİLMİŞ MÜSABİQƏLƏRİN NƏTİCƏLƏRİ

Elan

2017/2018-Ci TƏDRİS İLİ ÜÇÜN REZİDENTURAYA BOŞ QALAN YERLƏRƏ QƏBUL OLANLARIN NƏZƏRİNƏ!

 

2017/2018-ci tədris ili üçün rezidenturaya boş qalan yerlərə qəbul olmuş şəxslər Dövlət İmtahan Mərkəzinin elektron xidməti çərçivəsində yaradılmış “Şəxsi kabinet”lərinin istifadəçi adını, namizədin elektron ərizələrinin iş nömrəsini və aşağıdakı siyahıda göstərilən sənədləri 2-3 avqust 2017-ci il tarixlərində saat 10:00-dan 13:00-dək Azərbaycan Respublikasının Səhiyyə Nazirliyinə təqdim edərək, nazirliklə “Rezidenturada həkim-mütəxəssis hazırlığı haqqında” müqaviləni bağladıqdan sonra qeydiyyatdan keçməlidirlər.

 

ELAN

22 iyul Milli Mətbuat günü münasibəti ilə akademik  Zərifə Əliyeva Adına Milli Oftalmologiya Mərkəzində “Gələcəyə sağlam baxış” adlı aksiya keçiriləcək.

ELAN

ELAN

 

2017/2018-Cİ TƏDRİS İLİ ÜÇÜN REZİDENTURAYA QƏBUL OLANLARIN NƏZƏRİNƏ!

 

2017/2018-ci tədris ili üçün rezidenturaya qəbul olmuş şəxslər Dövlət İmtahan Mərkəzinin elektron xidməti çərçivəsində yaradılmış “Şəxsi kabinet”lərinin istifadəçi adını, namizədin elektron ərizələrinin iş nömrəsini və aşağıdakı siyahıda göstərilən sənədləri 18.07.2017-ci il tarixindən 24.07.2017-ci il tarixinədək (şənbə və bazar günləri istisna olmaqla) Azərbaycan Respublikasının Səhiyyə Nazirliyinə təqdim edərək, nazirliklə “Rezidenturada həkim-mütəxəssis hazırlığı haqqında” müqaviləni bağladıqdan sonra qeydiyyatdan keçməlidirlər.

 

Azərbaycan Respublikası Səhiyyə Nazirliyin Rəsmi Saytı
Saytdakı materiallardan istifadə edərkən istinad etmək zəruridir!
Bütün hüquqlar qorunur! © 2011-2013..